أعــذرنـــي لشاعر : سمو الأمير خالد الفيصل

السلام عليكم ورحمت الله وبركاته


اعذرني يا سيدي الزمان فيني على الدنيا عتب

الرجــل حيرها المـكان والعين حـيرها العجب

تــغيـرت كــل الامــور واحـتــر في مفهومها

النــايمه قامـت وتثور والصـاحيه جـا نومها

الــنجـم ماهـو نجمـنا والليل ماهـو ليـلنا

والـصـوت ماهـو صوتـنا والعشق ماهـو عشـقنا

تمطـر ولا يظـهـر نـبات ونبـات ما جاله مزون

وعيون مـا فيـها حيـاة وحياة ما فيها عيـون

اسـافـر بفـكري واتـوه وانـاظر بعـيني قريب

في عالـمي زحـمة وجـوه وانا مع الزحمه غريب

صقـار مـا عـندي صقـر خـيال مـا عنـدي فـرس

بيـني وفرحـات الدهر مـن لعبة ايامـي حـرس

قصيـدتـي لعـبـة عمـر وخيالـتي صهـوة سحـاب

غنـيت فـي شـمس وقـمر حـضرت فـي لـحظة غياب

طـالت مسـافات الـزمان وشـلون ابقطـعها مشي

فـراغ مليـان الـمكـان وخـيـالـنا اصبح غشي